kitne hi sakht maqaam aaye magar jaan-e-faraz
By nadia | October 25, 2007
Topics: Asha'ar, Fraz, Nadia, Urdu | No Comments »
tui ilaaj nahiN meri har udaasi ka-aik sher
By nadia | September 8, 2007
maiN tujh se kaise kahooN yaar-e-meharbaaN mere
ke tuu ilaaj nahiN meri har udaasi ka
Topics: Asha'ar, Nadia, Urdu | No Comments »
mujhe bhi seena~kharaashi ke kaam par rakkha
By stanvir | August 9, 2007
kiye haiN sab ko ata us ne ohda-o-mansab
mujhe bhi seena~kharaashi ke kaam par rakkha
–Ahmad Javaid
Topics: Ahmad Javaid, Asha'ar, Ghazal, Shaa'iri, Urdu | 1 Comment »
koi tere siwa bhi ho..
By nadia | July 30, 2007
yah kya ke aik taur se guzre tamaam umr
ji chaahta hai ab koi tere siwa bhi ho
–Nasir Kazmi
Topics: Nadia, Nasir Kazmi, Shaa'iri, Urdu | No Comments »
ai yaad-e-dost..aik sher
By nadia | July 11, 2007
ai yaad-e-dost aaj to jii bhhar ke dil dukhaa
shaayed yah raat hijr ki aaye na phir kabhii
–nasir kaazmi
Topics: Nadia, Nasir Kazmi, Shaa'iri, Urdu | 3 Comments »
mehfil-e-sukhan ke liye Amjad Islam Amjad sahib ka khoobsoorat tohfa
By stanvir | July 6, 2007
pakistan ke mumtaaz shaa’ir Amjad Islam Amjad sahib ne kamaal mohabbat aur inaayat se kaam lete hue apni taaza tareen ghazal aur nazm, jo abhi kaheeN shaa’ya naheeN hui haiN, mehfil-e-sukhan ke dostoN ke liye pesh ki hai. ham Amjad Islam Amjad sahib ke tah-e-dil se mamnoon haiN ke unhoN ne itna khoobsoorat kalaam hamaari mehfil ke liye pesh kiya.
ham mehfil-e-sukhan ki har dil azeez saathi Zoya sahiba ke bhi shukr-guzaar haiN ke unhoN ne is mehfil ke liye Amjad sahib ka kalaam record kiya aur hameiN bheja.
to lijiye, Amjad sahib ka kalaam khud un ki apni aavaaz meiN:
Topics: Amjad Islam Amjad, Ghazal, Nazm, Shaa'iri, Urdu | No Comments »
dast-o-kashkol naheeN, kaasa-e-sar le ke chalo
By stanvir | June 4, 2007
deeda-e-tar pe vahaaN kaun nazar karta hai
kaasa-e-chashm meiN khooN~naab-e-jigar ke chalo
ab agar jaao paye arz-o-talab un ke huzoor
dast-o-kashkol naheeN, kaasa-e-sar le ke chalo
Topics: Faiz Ahmad Faiz, Nazm, Shaa'iri, Urdu | No Comments »
Jaun Eliya ke do asha’ar
By stanvir | June 2, 2007
sab yahi mujh se poochte haiN ke tuu
kyuN sudhhaare nahiN sudhhartaa hai
eliya jaun kuchh nahiN kartaa
sirf khushbuu meN rang bhartaa hai
Topics: Asha'ar, Jaun Eliya, Nadia, Shaa'iri, Urdu | No Comments »
bas tiri yaad ke paudoN ko lagaaye rakkheN
By stanvir | June 2, 2007
ghazal
Nakhat
kaise har dard ko seene meN chhupaye rakkheN?
aur hoToN pe tabassum ko sajaaye rakkheN
jo the apne voh, zamaana hua, sab chhoR gaye
kab talak bazm ko GhairoN se sajaaye rakkheN
yeh sunaa hai ke vahaaN der hai, aNdher naheeN
to chalo, baihr-e-du’aa, haath uThaaye rakkheN!
jab ye chhaT jaayenge baadal to kiran phooTegi
shama ummeed ki ek ham bhi jalaaye rakkheN
yuN To bhoole se bhi ab yaaN na koii aayega
ehteyatan hi magar ghar ko sajaaye rakkheN
dil meN soii huii chingaari ne karwaT lii hai
ab to is aag se daaman ko bachaaye rakkheN
hoga ‘Nakhat’ se mo’attar yeh chaman bhi ik roz
bas tiri yaad ke paudoN ko lagaaye rakkheN
Topics: Ghazal, Nakhat, Shaa'iri, Urdu | No Comments »
hijr teraa sitaara joo hay bohat
By stanvir | June 2, 2007
ghazal
Saima Ali
raushni meray chaar soo hay bohat
paas shaaed woh maah roo hay bohat
kuch to wehshat hay dil kii aadat bhi
aur kuch tu bhi ru baru hay bohat
aap samjhaiN na kam sukhan ham ko
Aaj kal khud say guftugu hay bohat
jab say daikhaa hay ik nazar uss nay
dil ko jeenay ki aarzoo hay bohat
kis nay daikhaa hay itnii chahat say
zakhm e dil aaj mushk boo hay bohat
doobnaa ho to phir meray dil ko
teri aankhoN ki aab joo hay bohat
raat jangle ki kitni roshan hay
hijr teraa sitaara joo hay bohat
Topics: Ghazal, Saima Ali, Shaa'iri, Urdu | No Comments »
