Mehfil-e-Sukhan » Ghazal

raat eik mehfil meiN

stanvir — Mon, 08 Jun 2009 01:26:07 +0000

Ghazal: bohat chup ho shikaayat chhoR di kya?

stanvir — Mon, 01 Jun 2009 22:57:00 +0000

Liaquat Ali Asim sahib ki eik khoobsoorat ghazal:

bohat chup ho shikaayat chhoR di kya?
rah-o-rasm-e-mohabbat chhoR di kya?

yeh kya andar hi andar bujh rahay ho
havaaoN se raqaabat chhoR di kya?

manaatay phir rahay ho har kisi ko
khafa rehnay ki aadat chhoR di kya?

liyay baiThi haiN aaNkheN aansuooN ko
sitaaaroN ki sayaahat chhoR di kiya?

ghubaar-e-shaihr ki kiyuN baiTha hua hai
mire aahu nay vehshat chhoR di kya?

faqeeroN ki taraf aanay lagay phir
numaaish-gaah-e-shohrat chhooR di kya?

mire kamray ko ma’bad kehnay vaali
kahaaN hai tu ibaadat chhoR di kya?

yeh duniya to naheeN maanay gi Asim
magar tum ne bhi hujjat chhoR di kya?

ajeeb khvaahish hai – Noshi Gilani

stanvir — Sun, 03 Feb 2008 02:19:45 +0000

ajeeb khvaahish hai – Noshi Gilani

Noshi Gilani – Ghazal – woh baat baat mein itna

Fatima — Wed, 19 Dec 2007 05:51:06 +0000

Noshi Gilani – Ghazal – woh baat baat mein itna

aaiye haath uThaayeN ham bhi

stanvir — Mon, 05 Nov 2007 19:29:24 +0000

Duaa

aaiye haath uThaayeN ham bhi

Faiz Ahmed Faiz

aaiye haath uThaayeN ham bhi
ham jinheN rasm-e-dua yaad naheeN
ham jinheN soz-e-mohabbat ke siva
koii but, koii Khuda yaad naheeN

aaiye arz guzaareN ke nigaar-e-hasti
zaihr-e-imroz meiN sheereeni-e-farda bhar de
voh jinheN taab-garaaN~baari-e-ayyaam naheeN
un ki palkoN pe shab-o-roz ko halka kar de

jin ki aaNkhoN ko rukh-e-subh ka yaara bhi naheeN
un ki raatoN meiN koii shamaa munavvar kar de
jin ke qadamoN ko kisi rah ka sahaara bhi naheeN
un kii nazaroN pe koii raah ujaagar kar de

jinakaa deeN pairavi-e-kazbo-riya hai un ko
himmat-e-kufr mile, jurrat-e-tehqeeq mile
jin ke sar muntazir-e-tegh-e-jafa haiN un ko
dast-e-qaatil ko jhaTak dene ki taufeeq mile

ishq ka sarr-e-nihaaNN jaan tapaaN hai jis se
aaj iqraar kareN aur tapish miT jaaye
harf-e-haq dil meiN khaTakta hai jo kaNTe kii tarah
aaj izahaar kareNn or khalish miT jaaye

mujhe bhi seena~kharaashi ke kaam par rakkha

stanvir — Fri, 10 Aug 2007 02:50:42 +0000

kiye haiN sab ko ata us ne ohda-o-mansab mujhe bhi seena~kharaashi ke kaam par rakkha Continue reading →

mehfil-e-sukhan ke liye Amjad Islam Amjad sahib ka khoobsoorat tohfa

stanvir — Fri, 06 Jul 2007 17:03:39 +0000

pakistan ke mumtaaz shaa’ir Amjad Islam Amjad sahib ne kamaal mohabbat aur inaayat se kaam lete hue apni taaza tareen ghazal aur nazm, jo abhi kaheeN shaa’ya naheeN hui haiN, mehfil-e-sukhan ke dostoN ke liye pesh ki hai. ham Amjad Islam Amjad sahib ke tah-e-dil se mamnoon haiN ke unhoN ne itna khoobsoorat kalaam hamaari mehfil ke liye pesh kiya.

ham mehfil-e-sukhan ki har dil azeez saathi Zoya sahiba ke bhi shukr-guzaar haiN ke unhoN ne is mehfil ke liye Amjad sahib ka kalaam record kiya aur hameiN bheja.

to lijiye, Amjad sahib ka kalaam khud un ki apni aavaaz meiN:

bas tiri yaad ke paudoN ko lagaaye rakkheN

stanvir — Sun, 03 Jun 2007 01:21:01 +0000

ghazal
Nakhat

kaise har dard ko seene meN chhupaye rakkheN?
aur hoToN pe tabassum ko sajaaye rakkheN

jo the apne voh, zamaana hua, sab chhoR gaye
kab talak bazm ko GhairoN se sajaaye rakkheN

yeh sunaa hai ke vahaaN der hai, aNdher naheeN
to chalo, baihr-e-du’aa, haath uThaaye rakkheN!

jab ye chhaT jaayenge baadal to kiran phooTegi
shama ummeed ki ek ham bhi jalaaye rakkheN

yuN To bhoole se bhi ab yaaN na koii aayega
ehteyatan hi magar ghar ko sajaaye rakkheN

dil meN soii huii chingaari ne karwaT lii hai
ab to is aag se daaman ko bachaaye rakkheN

hoga ‘Nakhat’ se mo’attar yeh chaman bhi ik roz
bas tiri yaad ke paudoN ko lagaaye rakkheN

hijr teraa sitaara joo hay bohat

stanvir — Sun, 03 Jun 2007 00:02:52 +0000

ghazal
Saima Ali

raushni meray chaar soo hay bohat
paas shaaed woh maah roo hay bohat

kuch to wehshat hay dil kii aadat bhi
aur kuch tu bhi ru baru hay bohat

aap samjhaiN na kam sukhan ham ko
Aaj kal khud say guftugu hay bohat

jab say daikhaa hay ik nazar uss nay
dil ko jeenay ki aarzoo hay bohat

kis nay daikhaa hay itnii chahat say
zakhm e dil aaj mushk boo hay bohat

doobnaa ho to phir meray dil ko
teri aankhoN ki aab joo hay bohat

raat jangle ki kitni roshan hay
hijr teraa sitaara joo hay bohat

jis shaKhS kay haathauN maiN hunar kuch’h bhii nahiiN hay

stanvir — Sat, 02 Jun 2007 23:57:03 +0000

ghazal
Miim Miim Mughal

is baat maiN sab kuch’h hay magar kuch’h bhii nahiiN hay
us samt kau jaataa hooN jidhar kuch’h bhii nahiiN hay

dar-paish hay SaHraa kaa safar soo’ay chaman-zaar
aur is pe’h sitam zaad-e-safar kuch’h bhii nahiiN hay

kis sha’y kay tajas’sus maiN hau tum meHv-e-nazaara’
afLaak kay us paar agar kuch’h bhii nahiiN hay

say’yaarchay tasKheer kiay jaataa hay insaaN..
aur is kii mushaq’qat ka camar kuch’h bhii nahiiN hay

ik Umr maHab’bat kii riyaaZat maiN guzaarii…
ab chaak-e-gariibaaN kay digar kuch’h bhii nahiiN hay

aajaa’ay muyas’sar jau kabhi iLm kaa saagar…….
piyaa say kay Liay Umr-e-KhiZar kuch’h bhii nahiiN hay

dushnaam Traazii hay muGhal~ us kaa vaTiira’h
jis shaKhS kay haathauN maiN hunar kuch’h bhii nahiiN hay

mira bistar bicha do thak gaya maiN

stanvir — Sat, 02 Jun 2007 23:31:26 +0000

ghazal
Liaquat Ali Asim

na ab mujh ko sada do thak gaya maiN
tumheeN jaao iraado thak gaya maiN

nahi uThti meri talvaar mujh se
uTho ae shahzaado thak gaya maiN

zara sa saath do Gham ke safar maiN
zara sa muskurado thak gaya maiN

tumhare saath hooN phir bhi akela
rafeeqo raasta do thak gaya maiN

kahaaN tak aek hi tamseel dekhooN
bas ab parda gira do thak gaya maiN

adaalat kya qiyaamat tak chale gi
mujhe jaldi saza do thak gaya maiN

kahaaN aati hai mujh ko neend phir bhi
mira bistar bichha do thak gaya maiN

kya hai khaana-kharaab meiN rakkha?

Fatima — Thu, 31 May 2007 09:35:02 +0000

zindagi ke nisaab meiN rakkha
gham ko khushioN ke baab meiN rakkha

daagh jesa ata kya mujh ko
vesa hi maahtaab meiN rakkha

mere seene meiN dil diya aise
jese kaaNTa gulaab meiN rakkha

mujh ko duniya meiN kar diya rusva
aur khud ko naqaab meiN rakkha

mujh se va’ada visaal ka kar ke
umr bhar iztaraab meiN rakkha

phool bheja usay lifaafe meiN
us ne kaaNTa javaab meiN rakkha

naam sun kar Shoaib ka bole
kya hai khaana-kharaab meiN rakkha?

yaad bhi un ki ham-safar na hu’ii

Fatima — Sat, 26 May 2007 16:50:08 +0000

yaad bhi un ki ham-safar na hu’ii
aur du’aa BHI TO KAAR-GAR na hu’ii

esey uljhey terey jhameiloN main
zindagi tujh ko bhi khabar na huii

qissa-e-dard jaante the sabhi
be.khabar ! bas tujhe khabar na houi

umr bhar uljhanon ko suljhaaya
do ghari chein sey basar nah houi

khavaahishein to hazaar thiin lekin
aik bhi poori umr bhar na hui

her gharee deep hum jalaatey rahey
per khushi ki kabhi saHar na houi

baat mushoor hey sayaanoN main

Fatima — Sat, 26 May 2007 15:33:25 +0000

baat mushoor hey sayaanoN main
aashiyaaN baste hain zamaanoN main

jis ke charche the aasmaanoN meiN
ab kahaaN josh voh javaanoN meiN

log kehte haiN saNg-dil jis ko
ab hey wo apne meherbaanoN main

shaaâ€™id eemaan dil meiN jaaga hai
â€œik sadaa aarahi hey kaanoN mainâ€

tujh se mansoob mirii KhushiyaaN
tu hi shaamil mire bayaanoN main

Faatimah ab kahan wo mosam hey
phool khilte the gul.sitaanon main

aik ik rishta zameeN main muntaqil hota gaya

stanvir — Sat, 26 May 2007 15:26:04 +0000

ghazal
syed zawar hussain zair

naqsh-e-dil kuchh yun supurd-e-abb-o-gil hota gaya
aik ik rishta zameeN main muntaqil hota gaya

admi jo zakhm-e-furqat le k utra tha voh zakhm
irtaqa-e-be~hisi per mundamil hota gaya

aik lahzay ko uTha tha dard seene maiN magar
ghar pasand aaya to phir voh mustaqil hota gaya

vehshatoN maiN mujh say kuch logoN ne aankheN bech deeN
phir bhi voho khaboN khayaloN mein mukhil hota gya

bhook maiN jab zabt ki sari faseeleN gir gaeeN
apne saaye per bhi muflis mushtail hota gaya

bas sharar deta hai patthar roshni deta naheeN
jaan ker bhi kiuN bashar pathar ki sill hota gaya

rafta rafta chal die “aazza” sabhi hartaal per
aur zair admi ikk band mill hota gaya!

uss raah pe jaane se pehle

stanvir — Tue, 06 Mar 2007 20:33:32 +0000

Azm Behzad sahib ki eik aur khoobsoorat ghazal:

uss raah pe jaane se pehle asbaab saNbhaal ke rakh lena
kuchh ashk visaal se le lena kuchh phool visaal ke rakh lena

kahaaN gaye voh

stanvir — Tue, 06 Mar 2007 00:19:45 +0000

Azm Behzad sahib ki eik aur khoobsoorat ghazal:

kahaaN gaye voh lehje dil meiN phool khilaane vaale
aaNkheN dekh ke khvaaboN ki ta’abeer bataane vale

mehfil-e-mushaai’ra

stanvir — Sat, 24 Feb 2007 14:50:50 +0000

Zia Baloch sahib ki nizaamat meiN eik bohat umda mehfil-e-mushaai’ra aap sab ki nazr:-

mehfil-e-mushaai’ra

is mushaai’re meiN hissa lene vaale ehbaab ke naam aur tarteeb darj-e-zel haiN:

1. Zia Baloch SaaHib(naazim-e-mushaai’ra)
2. Sadaf SaaHiba
3. Dr. Buland Iqbal SaaHib
4. Zarqa Mufti SaaHiba
5. Zahida Ra’ees Raji SaaHiba
6. Nusrat Zahra SaaHiba
7. Dilshaad Nazmi SaaHib
8. Mona SaaHiba
9. Hamid Baqri SaaHib
10. SaliH Khaleel Jibran SaaHib
11. Abd-ul-laah Nazir SaaHib (Mehmaan-e-KhuSooSii)
12. Sarwar Alam Raz Sarwar SaaHib (Sadr-e-Mehfil)

tashnagi

stanvir — Tue, 06 Feb 2007 02:41:15 +0000

kitne mausam sargardaaN the

stanvir — Sat, 03 Feb 2007 20:14:54 +0000

kitne mausam sargardaaN the mujh se haath milaane meiN maiN ne shaayad der laga di khud se baahar aane meiN Continue reading →