Category Archives: Syed Zawar Hussain Zair

aik ik rishta zameeN main muntaqil hota gaya

ghazal
syed zawar hussain zair

naqsh-e-dil kuchh yun supurd-e-abb-o-gil hota gaya
aik ik rishta zameeN main muntaqil hota gaya

admi jo zakhm-e-furqat le k utra tha voh zakhm
irtaqa-e-be~hisi per mundamil hota gaya

aik lahzay ko uTha tha dard seene maiN magar
ghar pasand aaya to phir voh mustaqil hota gaya

vehshatoN maiN mujh say kuch logoN ne aankheN bech deeN
phir bhi voho khaboN khayaloN mein mukhil hota gya

bhook maiN jab zabt ki sari faseeleN gir gaeeN
apne saaye per bhi muflis mushtail hota gaya

bas sharar deta hai patthar roshni deta naheeN
jaan ker bhi kiuN bashar pathar ki sill hota gaya

rafta rafta chal die “aazza” sabhi hartaal per
aur zair admi ikk band mill hota gaya!