phooloN ne sitaaroN ne – Ghazal

tanhaa — Wed, 30 Aug 2006 14:50:44 +0000

Hamaare apne, Raj Kumar ‘Qais’ sahib ki ek behtareen ghazal haazir hai

meer taqi meer – eik sarsari jaaeza

stanvir — Tue, 22 Aug 2006 21:31:55 +0000

stanvir — Sun, 20 Aug 2006 22:19:20 +0000

1. dekh, tire deevaanoN ki ab jaan pe kyaa ban aa’ee hai
chup saadheN to dam ghuTtaa hai, boleN to rusvaa’ee hai

2. bastii bastii, jaNgal jaNgal, saihraa saihraa ghoome haiN
ham ne terii khoj meiN ab tak kitnii khaak uRaa’ee hai!

3. dil apnaa sunsaan nagar hai, phir bhii kitnii raunaq hai
sapnoN kii baaraat sajii hai, yaadoN kii shaihnaa’ee hai

4. yooN to sab kuchh haar chuke haiN, phir bhi maal-aa-maal haiN ham
baateN karne ko sannaaTe, sohbat ko tanhaa’ee hai!

5. mere dil kaa chauNk sa jaanaa ik ma’amoolii jazba thaa
voh to terii shoKh nazar thii jis ne baat baRhaa’ee hai

6. yooN to tere mai-Khaane meiN raNgaa-raNg sharaabeN haiN
aaj ‘vuhi’ uNDel jo terii aaNkhoN ne chhalkaa’ee hai!

7. aaj to mai ka ik ik qatra jhoom rahaa hai mastii se
shaa’id mere jaam se ko’ii Khaas nazar Takraa’ee hai

8. aaj samaNdar ki laihreN ooNchii bhii haiN, josheelii bhii
yaa paanii kii be-chainii hai yaa terii aNgRaa’ee hai!

9. pehloo pehloo dard uThaa hai, karvaT karvaT roye haiN
tujh ko kyaa ma’aloom k ham ne kaise raat bitaa’ee hai

10. moR moR par bijlii lapkii, manzil manzil teer gire
mar mar kar is raah meiN ham ne apnii jaan bachaa’ee hai

11. dekhne vaale dhyaan se dekheN, husn naheeN, yeh jaadoo hai
yaa to is kaa maNtar DhooNDeN yaa phir shaamat aa’ee hai

12. kehne ko to vasl ki da’avat le kar ko’ii aayaa hai
ho na ho, merii tanhaa’ee bhes badal kar aa’ee hai

13. saarii sakhiyaaN poochh rahii haiN aaj “hamaarii Raadhaa” se
tere man ke briNdaa-ban meiN kis ne raas rachaa’ee hai?

Ã‚Â