Category Archives: Nazm

Indoor Plant

Zarqa Mufti sahiba ki eik khoobsoorat nazm:

Indoor Plant

naa-deeda mohabbat ki aakhri nazm – Noshi Gilani sahiba ki nazm

Noshi Gilani ke apne haath se likkhi hui nazm:

naa-deeda mohabat ki aakhri nazm

khooN baha

khooN baha

(Iftikhar Arif)

apne shaih~savaaroN ko
qatl karne vaaloN se
khooN baha talab karna
vaarisoN pe vaajib tha,
qaatiloN pe vaajib tha
khooN baha ada karna

vaajibaat ki takmeel
munsifoN pe vaajib thi
(musnifoN ki nigraani
qudsioN pe vaajb thi)
vaqt ki adaalat meiN
eik samt masnad thi
ek samt khanjar tha
taaj-e-zar-nigaar ik samt
eik samt lashkar tha
ik taraf thi majboori
ik taraf muqaddar tha
taaife pukaar uTThe
“taaj-o-takht zindabaad!
saaz-o-rakht zindabaad!”

khalq ham se kehti hai, saara maajra likkheN
kis ne kis tarah paaya apna khooN baha, likkheN
chashm-e-nam se sharminda,
ham qalam se sharminda, sochte haiN kiya likkheN

aaiye haath uThaayeN ham bhi

Duaa

aaiye haath uThaayeN ham bhi

Faiz Ahmed Faiz

aaiye haath uThaayeN ham bhi
ham jinheN rasm-e-dua yaad naheeN
ham jinheN soz-e-mohabbat ke siva
koii but, koii Khuda yaad naheeN

aaiye arz guzaareN ke nigaar-e-hasti
zaihr-e-imroz meiN sheereeni-e-farda bhar de
voh jinheN taab-garaaN~baari-e-ayyaam naheeN
un ki palkoN pe shab-o-roz ko halka kar de

jin ki aaNkhoN ko rukh-e-subh ka yaara bhi naheeN
un ki raatoN meiN koii shamaa munavvar kar de
jin ke qadamoN ko kisi rah ka sahaara bhi naheeN
un kii nazaroN pe koii raah ujaagar kar de

jinakaa deeN pairavi-e-kazbo-riya hai un ko
himmat-e-kufr mile, jurrat-e-tehqeeq mile
jin ke sar muntazir-e-tegh-e-jafa haiN un ko
dast-e-qaatil ko jhaTak dene ki taufeeq mile

ishq ka sarr-e-nihaaNN jaan tapaaN hai jis se
aaj iqraar kareN aur tapish miT jaaye
harf-e-haq dil meiN khaTakta hai jo kaNTe kii tarah
aaj izahaar kareNn or khalish miT jaaye

dast-o-kashkol naheeN, kaasa-e-sar le ke chalo

deeda-e-tar pe vahaaN kaun nazar karta hai
kaasa-e-chashm meiN khooN~naab-e-jigar ke chalo
ab agar jaao paye arz-o-talab un ke huzoor
dast-o-kashkol naheeN, kaasa-e-sar le ke chalo

mujhe tab va’aqaii tum se mohabbat thi

mujhe tab va’aqaii tum se mohabbat thi:

aaj bazaar mein pa-bajolaaN chalo

aaj bazaar meiN

aaj baazaar meiN pa-bajolaaN chalo

Faiz Ahmad Fiaz

chashm-e-nam, jaan-e-shoreeda kaafi naheeN
tohmat-e-ishq-e-posheeda kaafi naheeN
aaj baazaar meiN pa-bajolaaN chalo

dast afshaaN chalo, mast-o-raqsaaN chalo
khaak bar~sar chalo, khooN ba~damaaN chalo
raah takta hai sab shaihr-e-janaaN chalo

haakim-e-shaihr bhi, majma’-e-aa’m bhi
teer-e-ilzaam bhi, saNg-e-dushnaam bhi
subh-e-nashaad bhi, roz-e-nakaam bhi

in ka damsaaz apne siva kaun hai
shaihr-e-janaaN meiN ba~safa kaun hai
dast-e-qaatil ke shayaaN raha kaun hai

rakht-e-dil baaNdh lo, dil~figaaro chalo
phir hameeN qatl ho aayeN yaaro, chalo!

puraani kitaab meN rakhi tasveer se baateN-Noshi Gillani

noshi gilani

fankaar

fankaar

saza

saza

“saza”
Jaun Eliya

har baar mere saamne aati rahi ho tum
har baar tum se mil ke bichhaRta raha hooN maiN
tum kaun ho yeh khud bhi naheeN jaanti ho tum
maiN kaun hooN yeh khud bhi naheeN jaanta hooN maiN
tum mujh ko jaan kar hi paRi ho azaab meiN
aur is tarah khud apni saza ban gaya hooN maiN

tum jis zameen par ho maiN us ka khuda naheeN
pas sar~ba~sar azziyyat-o-aazaar hi raho
be~zaar ho gaii ho bohat zindagi se tum
jab bas meiN kuchh naheeN hai to be~zaar hi raho
tum ko yahaaN ke saaya-o-parto se kya gharaz
tum apne haq meiN beech ki deevaar hi raho

maiN ibtidaaye ishq se be~mehr hi raha
tum intihaay-e-ishq ka meyaar hi raho
tum khoon thookti ho yeh sun kar khushi hui
is raNg is ada meiN bhi purkaar hi raho

maiN ne yeh kab kaha tha mohabbat meiN hai nijaat
maiN ne yeh kab kaha tha vafadaar hi raho
apni mata’a-e-naaz luTa kar mire liye
bazaar-e-iltifaat meiN nadaar hi raho

jab meiN tumheiN nishaat-e-mohabbat na de saka
gham meiN kabhi sukoon-e-rifaaqat na de saka
jab mere sab charaagh-e-tamanna hava ke haiN
jab mere saare khvaab kisi be~vafa ke haiN
phir mujh ko chaahne ka tumheiN koii haq naheeN
tanha karaahne ke tumheiN koii haq naheeN