Mehfil-e-Sukhan » Jaun Eliya

Jaun Eliya ke do asha’ar

stanvir — Sun, 03 Jun 2007 03:09:08 +0000

sab yahi mujh se poochte haiN ke tuu
kyuN sudhhaare nahiN sudhhartaa hai

eliya jaun kuchh nahiN kartaa
sirf khushbuu meN rang bhartaa hai

Tujhe chheen le koi..aik Sher by Jaun Eliya

nadia — Fri, 08 Dec 2006 16:47:46 +0000

ai shakhs ab to mujh ko sabhi kuchh qabool hai
yah bhi qabool hai ke tujhe chheen le koi

seena dehak raha ho to kyuN chup rahe koi-ghazal by Jaun Eliya

nadia — Sun, 26 Nov 2006 04:26:40 +0000

seena dehak raha ho to kyuN chup rahe koi
kyuN cheekh cheekh kar na gala chheel le koi

saabat hua sakoon-e-dil-o-jaaN kahiN nahiN
rishtoN meN DhoonDhta hai to DhoonDa kare koi tark-e-ta’alluqaat koi masa’ala nahiN
yah to woh raasta hai ke bas chal parhe koi

deevaar jaanta tha jise maiN woh dhhool thi
ab mujh ko aitmaad ki daavat na de koi

maiN khud yah chaahta hooN ke halaat hoN kharaab
mere khilaaf zehr ugalta phire koi

“ai shakhs ab to mjh ko sabhi kuchh qabool hai”
Â yah bhi qabool hai ke tujhe chheen le koi

haaN theek hai maiN apni anaa ka mareez hooN
aakhir mere mizaaj meN kyuN dakhl de koi

ik shakhs kar raha hai abhi tak wafaa ka zikr
kaas iss zubaaN daraaz ka muNh noch le koi

sharmindagi hai ham ko buhat ham mile tumheN-Ghazal by Jaun Eliya

nadia — Mon, 20 Nov 2006 03:50:05 +0000

Jaun Eliya-Aik Qata’a

nadia — Wed, 30 Aug 2006 13:02:58 +0000

saza

stanvir — Sat, 26 Aug 2006 18:41:17 +0000

“saza”
Jaun Eliya

har baar mere saamne aati rahi ho tum
har baar tum se mil ke bichhaRta raha hooN maiN
tum kaun ho yeh khud bhi naheeN jaanti ho tum
maiN kaun hooN yeh khud bhi naheeN jaanta hooN maiN
tum mujh ko jaan kar hi paRi ho azaab meiN
aur is tarah khud apni saza ban gaya hooN maiN

tum jis zameen par ho maiN us ka khuda naheeN
pas sar~ba~sar azziyyat-o-aazaar hi raho
be~zaar ho gaii ho bohat zindagi se tum
jab bas meiN kuchh naheeN hai to be~zaar hi raho
tum ko yahaaN ke saaya-o-parto se kya gharaz
tum apne haq meiN beech ki deevaar hi raho

maiN ibtidaaye ishq se be~mehr hi raha
tum intihaay-e-ishq ka meyaar hi raho
tum khoon thookti ho yeh sun kar khushi hui
is raNg is ada meiN bhi purkaar hi raho

maiN ne yeh kab kaha tha mohabbat meiN hai nijaat
maiN ne yeh kab kaha tha vafadaar hi raho
apni mata’a-e-naaz luTa kar mire liye
bazaar-e-iltifaat meiN nadaar hi raho

jab meiN tumheiN nishaat-e-mohabbat na de saka
gham meiN kabhi sukoon-e-rifaaqat na de saka
jab mere sab charaagh-e-tamanna hava ke haiN
jab mere saare khvaab kisi be~vafa ke haiN
phir mujh ko chaahne ka tumheiN koii haq naheeN
tanha karaahne ke tumheiN koii haq naheeN