December 7, 2007
Khvaab kii tarah bikhar jaane ko jii chaahataa hai
aisii tanhaa_ii ki mar jaane ko jii chaahataa hai
ghar kii vahashat se larazataa huu.N magar jaane kyo.n
shaam hotii hai to ghar jaane ko jii chaahataa hai
Duub jaa_uu.N to ko_ii mauj nishaa.N tak na bataaye
aisii nadii me.n utar jaane ko jii chaahataa hai
kabhii mil jaaye to raste kii thakan jaag pa.De
aisii manzil se guzar jaane ko jii chaahataa hai
vahii paimaa.N jo kabhii jiii ko Khush aayaa thaa bahut
usii paimaa.N se mukar jaane ko jii chaahataa hai
No Comments » | 
Iftikhar Arif | 
Permalink
Posted by Fatima
November 22, 2007
khooN baha
(Iftikhar Arif)
apne shaih~savaaroN ko
qatl karne vaaloN se
khooN baha talab karna
vaarisoN pe vaajib tha,
qaatiloN pe vaajib tha
khooN baha ada karna
vaajibaat ki takmeel
munsifoN pe vaajib thi
(musnifoN ki nigraani
qudsioN pe vaajb thi)
vaqt ki adaalat meiN
eik samt masnad thi
ek samt khanjar tha
taaj-e-zar-nigaar ik samt
eik samt lashkar tha
ik taraf thi majboori
ik taraf muqaddar tha
taaife pukaar uTThe
“taaj-o-takht zindabaad!
saaz-o-rakht zindabaad!”
khalq ham se kehti hai, saara maajra likkheN
kis ne kis tarah paaya apna khooN baha, likkheN
chashm-e-nam se sharminda,
ham qalam se sharminda, sochte haiN kiya likkheN
No Comments » | Iftikhar Arif, Nazm | Tagged: Nazm | Permalink
Posted by stanvir
