Mehfil-e-Sukhan » Faiz Ahmad Faiz

aaj bazar meiN

stanvir — Mon, 08 Jun 2009 01:34:11 +0000

aaiye haath uThaayeN ham bhi

stanvir — Mon, 05 Nov 2007 19:29:24 +0000

Duaa

aaiye haath uThaayeN ham bhi

Faiz Ahmed Faiz

aaiye haath uThaayeN ham bhi
ham jinheN rasm-e-dua yaad naheeN
ham jinheN soz-e-mohabbat ke siva
koii but, koii Khuda yaad naheeN

aaiye arz guzaareN ke nigaar-e-hasti
zaihr-e-imroz meiN sheereeni-e-farda bhar de
voh jinheN taab-garaaN~baari-e-ayyaam naheeN
un ki palkoN pe shab-o-roz ko halka kar de

jin ki aaNkhoN ko rukh-e-subh ka yaara bhi naheeN
un ki raatoN meiN koii shamaa munavvar kar de
jin ke qadamoN ko kisi rah ka sahaara bhi naheeN
un kii nazaroN pe koii raah ujaagar kar de

jinakaa deeN pairavi-e-kazbo-riya hai un ko
himmat-e-kufr mile, jurrat-e-tehqeeq mile
jin ke sar muntazir-e-tegh-e-jafa haiN un ko
dast-e-qaatil ko jhaTak dene ki taufeeq mile

ishq ka sarr-e-nihaaNN jaan tapaaN hai jis se
aaj iqraar kareN aur tapish miT jaaye
harf-e-haq dil meiN khaTakta hai jo kaNTe kii tarah
aaj izahaar kareNn or khalish miT jaaye

dast-o-kashkol naheeN, kaasa-e-sar le ke chalo

stanvir — Tue, 05 Jun 2007 02:20:58 +0000

deeda-e-tar pe vahaaN kaun nazar karta hai
kaasa-e-chashm meiN khooN~naab-e-jigar ke chalo
ab agar jaao paye arz-o-talab un ke huzoor
dast-o-kashkol naheeN, kaasa-e-sar le ke chalo

teen manzar

tanhaa — Thu, 31 Aug 2006 22:09:43 +0000

Teri ummeed, teraz intezaar jab se hai-Ghazal by Faiz Ahmad Faiz

nadia — Wed, 30 Aug 2006 03:31:58 +0000

Intezaar

tanhaa — Tue, 29 Aug 2006 05:35:56 +0000

Faiz ki ek behtareen nazm haazir hai:

raat yuuN dil meiN tiri – Qi’ta

tanhaa — Mon, 28 Aug 2006 21:35:21 +0000

raat yuuN dil meiN tirii khoii huii yaad aayii
jaise veerane meiN chupke se bahaar aa jaaye
jaise sahraaoN meiN hole se chale baad-e-naseem
jaise biimar ko be-vajah qaraar aa jaaye

Faiz Ahmed Faiz

aaj bazaar mein pa-bajolaaN chalo

stanvir — Mon, 28 Aug 2006 19:58:40 +0000

aaj baazaar meiN pa-bajolaaN chalo

Faiz Ahmad Fiaz

chashm-e-nam, jaan-e-shoreeda kaafi naheeN
tohmat-e-ishq-e-posheeda kaafi naheeN
aaj baazaar meiN pa-bajolaaN chalo

dast afshaaN chalo, mast-o-raqsaaN chalo
khaak bar~sar chalo, khooN ba~damaaN chalo
raah takta hai sab shaihr-e-janaaN chalo

haakim-e-shaihr bhi, majma’-e-aa’m bhi
teer-e-ilzaam bhi, saNg-e-dushnaam bhi
subh-e-nashaad bhi, roz-e-nakaam bhi

in ka damsaaz apne siva kaun hai
shaihr-e-janaaN meiN ba~safa kaun hai
dast-e-qaatil ke shayaaN raha kaun hai

rakht-e-dil baaNdh lo, dil~figaaro chalo
phir hameeN qatl ho aayeN yaaro, chalo!

Faiz Ahmad Faiz

stanvir — Fri, 18 Aug 2006 23:01:37 +0000

Heart Attack