yeh maaho-o-saal sab lay lo

st-yeh-maah-o-saa-sab-le-lo

“yeh maah-o-saal sab le lo”

bohat afsurda rehta hooN
mujhe thoRi khushi de do
mire ghamgeen chehre ko
zara si ik haNsi de do

yahaaN har su udaasi hai
yahaaN har su andhere haiN
yahaaN rehbar naheeN koii
luTere hi luTere haiN

gham-e-janaaN hi kya kam tha
gham-e-doraaN meiN jalta hooN
ajab ab haal hai mera
na rukta hooN na chalta hooN

magar is raah par koi
barehna pa chale kab tak
ke har dam aah-o-zaari ke
bhala yeh masghale kab tak

suno ab thak chuka hooN maiN
mujhe aa kar saNbhaalo tum
bohat bezaar hooN khud se
mujhe apna bana lo tum

mujhe duniya se kya matlab
mira tum maal sab le lo
mujhe kuchh saa’ateN de kar
yeh maah-o-saal sab le lo