seena dehak raha ho to kyuN chup rahe koi-ghazal by Jaun Eliya

seena dehak raha ho

seena dehak raha ho to kyuN chup rahe koi
kyuN cheekh cheekh kar na gala chheel le koi

saabat hua sakoon-e-dil-o-jaaN kahiN nahiN
rishtoN meN DhoonDhta hai to DhoonDa kare koi

tark-e-ta’alluqaat koi masa’ala nahiN
yah to woh raasta hai ke bas chal parhe koi

deevaar jaanta tha jise maiN woh dhhool thi
ab mujh ko aitmaad ki daavat na de koi

maiN khud yah chaahta hooN ke halaat hoN kharaab
mere khilaaf zehr ugalta phire koi

“ai shakhs ab to mjh ko sabhi kuchh qabool hai”
 yah bhi qabool hai ke tujhe chheen le koi

haaN theek hai maiN apni anaa ka mareez hooN
aakhir mere mizaaj meN kyuN dakhl de koi

ik shakhs kar raha hai abhi tak wafaa ka zikr
kaas iss zubaaN daraaz ka muNh noch le koi

 

2 thoughts on “seena dehak raha ho to kyuN chup rahe koi-ghazal by Jaun Eliya

  1. stanvir Canada Mac OS X Safari 419.3 November 26, 2006 at 10:54 pm

    waah waah Nadia. This is my most favorite masterpiece by the Maestro.

    Thanks a lot for posting this gem.

  2. nadia United States Windows XP Internet Explorer 6.0 December 7, 2006 at 12:47 pm

    shukriya shoiab saheb. maiN ne background pe jo words likhe haiN pink meN, woh parhe aap ne? 😉

Comments are closed.