« aaj ka she’r - 2 | Home | puraani kitaab meN rakhi tasveer se baateN-Noshi Gillani »
haath mera aie miri parchhaaii
By tanhaa | August 28, 2006
janaab Zuhoor Nazar ki ek bahut hi shaandaar ghazal haazir hai:
haath meraa aie mirii parchhaaii tuu hii thaam le
ek muddat se mujhe to soojhtaa kuchh bhii nahiiN
shahr-e-shab meiN kaun sa ghar tha, na dii jis par sadaa
neeNd ke aNdhe musaafir ko milaa kuchh bhii nahiiN
umr bhar umr-e-gurezaaN se na merii ban sakii
jo kare, kartii rahe, maiN poochhtaa kuchh bhii nahiiN
vo bhii shaayad ro paRe veeraan kaaGhaz dekh kar
maiN ne usko aaKhiri Khat meiN likhaa kuchh bhii nahiiN
Topics: Amit, Ghazal, Shaa'iri, Urdu, Zahoor Nazar |
2 Responses to “haath mera aie miri parchhaaii”
Comments
You must be logged in to post a comment.
August 28th, 2006 at 9:28 am
Amit sahib,
bohart shukriya itni umda ghazal pesh karne ke liye. mujhe Zahoor Nazar kp paRhne ka pehle ittefaaq naheeN hua lekin ab ishtiaaq ho gaya hai.
August 28th, 2006 at 9:44 am
Shoaib sahib,
mujhe Khushi hui k aapko mera inteKhaab pasand aayaa. Maine in mohtaram ki sirf yahii ghazal paRhii hai. is ghazal ke aakhiri dono ash’aar mujhe behad pasand haiN. agar inki koi aur ghazal kabhii nazar se guzri to zaroor yahaaN post kar douNga.