jaah-o-jalaal daam-o-diram aur kitni der

jaah-e-jalaal daam-o-diram aur kitni der

jaah-o-jalaal daam-o-diram aur kitni der
reg-e-ravaaN pe naqsh-e-qadam aur kitni der

ab aur kitni der yeh dehshat, yeh Dar, yeh khauf
gard-o-ghubaar-e-aihd-e-sitam aur kitni der

ab aur kitni der yeh tabl-o-alam ki dhoom
zikr-e-zavaal-e-loh-o-qalam aur kitni der

halqa~bagosghoN, arz~guzaaroN ke darmiyaan
yeh tamkinat, yeh zo’m-e-karam aur kitni der

pal bhar meiN ho rahe ga hisaab-e-nabud-o-bood
pech-o-kham-e-vujud-o-adam aur kitni der

daaman ke saare chaak, girebaaN ke saare chaak
ho bhi gaye baham to baham aur kitni der

shaam aa rahi hai, Doobta sooraj bataye ga
tum aur kitni der ho, ham aur kitni der