dard gar aadmi hota

dard gar aadmi hota

“dard gar aadmi hota”
(Farhat Abbas Shah)

dard gar aadmi hota
to girebaan pakaR kar kehte
is tarah rehte haiN by chen diloN ke andar?
is tarah karte haiN beemaaroN se?
ham tumheiN sehte haiN, kuchh tum bhi to sehna seekho
aik thoRi se khushi aaye to jal jaate ho!

2 thoughts on “dard gar aadmi hota

  1. nadiya United States Windows XP Internet Explorer 6.0 August 27, 2006 at 12:44 am

    shoaib,

    aap ne mere buhat hi passandeeda shayer ka kalaam share kiya hai aaj. maiN buhat khush hui yah nazm yahaN dekh kar.

    buhat tanqeed ke bavajood mujhe far abbas shah ka kalaam hamesha passand raha hai, aur maiN daava kar sakti hooN ke mere paas unki sab kitaabeN maujood haiN all 20 thousand of them. 😉

    farhat buhat munfarid likhte haiN, inki shayeri meN gham ka jo ansar hai uss se maiN buhat achhi taraf waaqif hooN. inki aksar nazmoN meN jab yah be rabt se jumle likhte haiN jinka koi mozu nahiN hota, jinka ka koi khaas matlab nahiN hota magar maiN un be rabt jumloN ko samajh sakti hooN, kyuN ke inki shayeri meN jo gham aur dukh hai uss ki koi aik khaas wajah nahiN. woh kissi ki be wafaayi ka dukh nahiN, woh kissi pyar se bicharhne ka dukh nahiN, woh apne andar chupi hui mehroomyioN ka dukh hai. jo har aik insaan apne saath liye phirt hai.

    farhat buhat aasaan lafzoN meN likhte haiN, magar asaan si zubaan meN yah buhat gahri baat kah dete haiN.

    mujhe ummeed hai aap inka aur bhi kalaam ham se share kareN ge. shukriya.

    nadia

  2. stanvir Canada Windows XP Internet Explorer 6.0 August 27, 2006 at 8:24 pm

    mujhe khud yeh nazm be intiha pasand hai. is nazm meiN aisa kuchh hai jise sirf mehsoos hi kya ja sakta hai. alfaaz meiN bayaan karna mushkil hai.

    mujhe Farhat Abbas Shah ki ghazleN bohat pasand haiN aur saath un ki aazaad nazmeN bhi. zaati tor par mujhe nasri nazm pasand naheeN. bal-k maiN zaati tor par nasri nazm ko shaairi ki sanf tasleem naheeN karta.

    mujhe herat is baat par hai ke FAS itni khoobsoorat ghazleN aur azaad nazmeN likhte haiN to phir nasri nazm meiN sar khapaan kya zaroori tha?

    kher baat taveel ho gaii. maiN in ka bhi aur Dher saara kalaam jald hi post karooN ga. insha Allah.

Comments are closed.